®

Today's poem is by Kathleen Jamie

Skeins o Geese

Skeins o geese write a word
across the sky. A word
struck lik a gong
afore I wis born.
The sky moves like cattle, lowin.

I'm as empty as stane, as fields
ploo'd but not sown, naked
an blin as a stane. Blin
tae the word, blin
tae a' soon but geese ca'ing.

Wire twists lik archaic script
roon a gate. The barbs
sign tae the wind as though
it was deef. The word whustles
ower high for ma senses. Awa.

No lik the past which lies
strewn aroun. Nor sudden death.
No like a lover we'll ken
an connect wi forever.
The hem of its goin drags across the sky.

Whit dae birds write on the dusk?
A word niver spoken or read.
The skeins turn hame,
on the wind's dumb moan, a soun,
maybe human, bereft.



Copyright © 2002 Kathleen Jamie All rights reserved
from Mr and Mrs Scotland are Dead
Bloodaxe Books Ltd. / Dufour Editions
Reprinted by Verse Daily® with permission

Support Verse Daily

    Please support Verse Daily's very generous sponsors:
Sponsor Verse Daily!

Home    Archives   Web Monthly Features    About Verse Daily   FAQs  Contact Verse Daily   Publications Noted & Received  

Copyright © 2002 Verse Daily All Rights Reserved




[an error occurred while processing this directive]